അടിമാലി: വിവാഹ വാഗ്ദാനം നൽകി 16 കാരിയെ പീഡിപ്പിച്ച്, ഗർഭിണിയാക്കിയ ശേഷം ഒളിവൽ പോയ യുവാവ് പിടിയിൽ. അടിമാലി കുരുന്നും കരയിൽ നിധിൻ തങ്കച്ചനെയാണ് (26) സംഭവവുമായി ബന്ധപ്പെട്ട് അടിമാലി പൊലീസ് അറസ്റ്റു ചെയ്തിട്ടുള്ളത്. വിവാഹ വാഗ്ദാനം നൽകി സുഹൃത്തായ നിതിൻ നിരവധി തവണ പീഡിപ്പിച്ചു എന്നാണ് പെൺകുട്ടി പൊലീസിനോട് വെളിപ്പെടുത്തിയിരുന്നു.

വയറുവേദന തുടർന്ന് ചികിത്സ തേടിയ അടിമാലി താലൂക്ക് ആശുപത്രിയിൽ എത്തിയപ്പോഴാണ് പെൺകുട്ടി ഗർഭിണിയാണെന്ന വിവരം പുറത്തറിയുന്നത്. പെൺകുട്ടി ഗർഭിണിയാണെന്ന് അറിഞ്ഞതോടെ ഡോക്ടർമാർ ബന്ധുക്കളെയും പൊലീസിനെയും അറിയിച്ചു. തുടർന്ന് പൊലീസ് ആശുപത്രിയിൽ എത്തി പ്ലസ് വൺ വിദ്യാർത്ഥിനിയായ പെൺകുട്ടിയിൽ നിന്നും മൊഴിയെടുത്തു.

ചൈൽഡ് വെൽഫെയർ കമ്മിറ്റി മുൻപാകെ ഹാജരാക്കിയ പെൺകുട്ടിയെ സംരക്ഷിത കേന്ദ്രത്തിലേക്ക് മാറ്റിയിട്ടുണ്ട്.പ്രതിയെ ഇന്ന് കോടതിയിൽ ഹാജരാക്കി റിമാന്റ് ചെയ്യും.

 

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.