ആലുവ :പ്രായപൂർത്തിയാകാത്ത പെൺകുട്ടി ആത്മഹത്യ ചെയ്ത സംഭവവുമായി ബന്ധപ്പെട്ട് യുവാവ് അറസ്റ്റിൽ. പുത്തൻവേലിക്കര കല്ലേപ്പറമ്പ് പുളിക്കൽ വീട്ടിൽ താമസിക്കുന്ന തൃശൂർ മേലൂർ കല്ലൂത്തി സ്വദേശി റോഷൻ (18) നെയാണ് ചെങ്ങമനാട് പൊലീസ് അറസ്റ്റ് ചെയ്തത്.

മാർച്ചിലാണ് പതിനാല്കാരിയായ പെൺകുട്ടി ആത്മഹത്യ ചെയ്തത്. സോഷ്യൽ മീഡിയാ വഴിയാണ് പെൺകുട്ടിയെ ഇയാൾ പരിചയപ്പെട്ടത്. തുടർന്ന് പെൺകുട്ടിയെ ലൈംഗികമായി അതിക്രമിച്ചു. മൊബൈൽ വഴി നഗ്‌ന ദൃശങ്ങൾ അയക്കാൻ ആവശ്യപ്പെട്ടു. പിന്നീട് ഇയാൾ ബന്ധം ഉപേക്ഷിയിക്കുകയായിരുന്നു. പോസ്റ്റ് മോർട്ടം റിപ്പോർട്ടിലും ലൈംഗികാതിക്രമണത്തിന് വിധേയമായ വിവരം ഉണ്ടായിരുന്നു.

ജില്ലാ പൊലീസ് മേധാവി വിവേക് കുമാറിന്റെ നിർദ്ദേശത്തെ തുടർന്ന് പ്രത്യേക പൊലീസ് ടീം രൂപീകരിച്ച് നടത്തിയ ശാസ്ത്രീയ അന്വേഷണത്താലാണ് പ്രതി പിടിയിലാകുന്നത്. ഡി.വൈ.എസ്‌പി പി.കെശിവൻകുട്ടി, ഇൻസ്‌പെക്ടർ കെ.ബ്രിജുകുമാർ, എസ്‌ഐ മാരായ ടി.എം സൂഫി, ടി.കെ.സുധീർ, ദീപ.എസ്.നായർ, എഎസ്ഐ ബിനു മോൻ ,എസ്.സി.പി.ഒ മാരായ കെ.വി.ബിനോജ്, ജിനിമോൾ, ലിൻസൺ പൗലോസ് തുടങ്ങിയവരാണ് അനേഷണ സംഘത്തിലുണ്ടായിരുന്നത്.

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.