കേരളം വിട്ടുപോകാൻ പാടില്ലെന്ന ജാമ്യവ്യവസ്ഥ ലംഘിച്ചു; ബലാൽസംഗ കേസിൽ എൽദോസ് കുന്നപ്പള്ളി എംഎൽഎയുടെ ജാമ്യം റദ്ദാക്കണം; കോടതിയെ സമീപിച്ച് സർക്കാർ

തിരുവനന്തപുരം: ബലാൽസംഗ കേസിൽ എൽദോസ് കുന്നപ്പള്ളി എംഎൽഎ ജാമ്യ വ്യവസ്ഥകൾ ലംഘിച്ചെന്ന് ആരോപണം. പെരുമ്പാവൂർ എംഎൽഎയുടെ ജാമ്യം റദ്ദാക്കണമെന്ന് കാണിച്ച് പൊലീസ് കോടതിയിൽ റിപ്പോർട്ട് നൽകി. തിരു. അഡീഷണൽ സെഷൻസ് കോടതിയിലാണ് പൊലീസ് റിപ്പോർട്ട് നൽകിയത്.

ബലാത്സംഗ കേസിൽ തിരുവനന്തപുരം ജില്ലാ കോടതിയാണ് ഉപാധികളോടെ എൽദോസിന് ജാമ്യം നൽകിയത്. കോടതിയുടെ അനുമതിയില്ലാതെ കേരളം വിട്ട് പുറത്തുപോകാൻ പാടില്ലെന്നായിരുന്നു ജാമ്യ വ്യവസ്ഥ.

എന്നാൽ, എൽദോസ് കുന്നപ്പള്ളി റായ്പൂരിൽ നടന്ന പ്ലീനറി സമ്മേളനത്തിൽ കോടതി അനുമതിയില്ലാതെ പങ്കെടുത്തുവെന്നാണ് അന്വേഷണ ഉദ്യോഗസ്ഥനായ ജില്ലാ ക്രൈംബ്രാഞ്ച് അസി. കമ്മീഷണർ റിപ്പോർട്ടിൽ പറയുന്നത്. എംദോസിന്റെ ഫോൺ വിളി വിശദാംശങ്ങൾ ഉൾപ്പെടെയാണ് ജില്ലാ അഡി. സെഷൻസ് കോടതിയിൽ റിപ്പോർട്ട് നൽകിയത്