കൊച്ചി: ശബരിമലയിൽ അരവണയിൽ ഉപയോഗിക്കുന്നത് സുരക്ഷിതമല്ലാത്ത നിലവാരം കുറഞ്ഞ ഏലയ്ക്ക എന്ന് ഭക്ഷ്യ സുരക്ഷാ കമ്മീഷണറുടെ റിപ്പോർട്ട്. ഹൈക്കോടതി നിർദ്ദേശപ്രകാരം നടത്തിയ പരിശോധനയിലാണ് കണ്ടെത്തൽ. ഏലയ്ക്കയിൽ കീടനാശിനിയുടെ അംശം കണ്ടെത്തിയെന്നാണ് ലാബ് റിപ്പോർട്ട്. തിരുവനന്തപുരം ലാബിന്റെ പരിശോധനയിലാണ് ഞെട്ടിക്കുന്ന ഈ വിവരം. റിപ്പോർട്ട് ലാബ് ഹൈക്കോടതിയിൽ സമർപ്പിച്ചു. കോടതി റിപ്പോർട്ട് നാളെ പരിശോധിക്കും.

ടെൻഡർ നടപടികൾ പാലിക്കാതെ കരാർ നൽകിയതും ഹൈക്കോടതി പരിഗണിക്കും. ഇതു സംബന്ധിച്ചു സ്വകാര്യ വ്യക്തി നൽകിയ പരാതിയാണു കോടതി പരിഗണിക്കുന്നത്.

പമ്പയിലെ ഭക്ഷ്യ സുരക്ഷാ ലബോറട്ടറിയിൽ പരിശോധിച്ചു ഗുണനിലവാരം ഉള്ള ഏലയ്ക്ക മാത്രമാണ് ഇപ്പോൾ സന്നിധാനത്തേക്ക് അയയ്ക്കുന്നത്. അല്ലാത്തവ തിരിച്ചയയ്ക്കുകയാണ്. സുരക്ഷിതമല്ലാത്ത ഏലയ്ക്കയാണ് അരവണയിൽ ഉപയോഗിക്കുന്നതെന്നാണ് റിപ്പോർട്ട്യ ഏലയ്ക്കാ വിതരണം സംബന്ധിച്ച് അയ്യപ്പാ സ്പൈസസ് കമ്പനി കോടതിയിൽ ഹർജി നൽകിയിരുന്നു. ഇത് പരിഗണിച്ച ശേഷം പരിശോധന നടത്താൻ ഹൈക്കോടതി നിർദ്ദേശിച്ചിരുന്നു. തുടർന്ന് തിരുവനന്തപുരം ലാബ് നടത്തിയ പരിശോധനയിലാണ് കണ്ടെത്തൽ.

മറുനാടന്‍ മലയാളി

    മറുനാടന്‍ മലയാളി ബ്യൂറോ