ജമാഅത്തെ ഇസ്ലാമിയും ആർഎസ്എസും ഒരേ നാണയത്തിന്റെ രണ്ട് വശങ്ങൾ; ഇരുകൂട്ടരുടെയും ചർച്ച അപകടകരം; ഗൂഢാമായ ചർച്ചയിൽ രാജ്യത്തിന് ആശങ്കയുണ്ട്

തിരുവനന്തപുരം: ജമാഅത്തെ ഇസ്ലാമി - ആർഎസ്എസ് ചർച്ചയെ വിമർശിച്ച് സിപിഎം നേതാവ് എ എ റഹീം എംപി. ഗൂഢമായ ചർച്ചയിൽ രാജ്യത്തിന് ആശങ്കയുണ്ടെന്നും അദ്ദേഹം പ്രതികരിച്ചു. രണ്ടുപേരും ഒരേ നാണയത്തിന്റെ രണ്ട് വശങ്ങളാണെന്ന് തെളിഞ്ഞൈന്നും റഹീം പറഞ്ഞു. ആർഎസ്എസുമായി ചർച്ച നടത്തിയ ജമാഅത്തെ ഇസ്ലാമിയെ മുഖ്യമന്ത്രിയും ഇന്നലെ അതിരൂക്ഷമായി വിമർശിച്ചിരുന്നു.

സംഘപരിവാറുമായി ചർച്ചകളും ആവശ്യമാണെന്ന ജമാഅത്തെ ഇസ്ലാമിയുടെ ന്യായം അവരുടെ കാപട്യത്തെ വെളിവാക്കുന്നതാണ്. ആർഎസ്എസുമായി എന്തുകാര്യമാണ് ചർച്ച ചെയ്തതെന്ന് ജമാഅത്തെ ഇസ്ലാമി നേതൃത്വം വ്യക്തമാക്കണം. ന്യൂനപക്ഷങ്ങളുടെ പൊതുപ്രശ്‌നങ്ങൾ അവതരിപ്പിക്കാനാണ് ചർച്ച നടത്തിയതെന്ന വാദം വിചിത്രമാണ്. ചർച്ചയുടെ ഉള്ളടക്കം എന്തുതന്നെയായാലും രാജ്യത്തെ ന്യൂനപക്ഷങ്ങളെ സഹായിക്കാനുള്ളതല്ല അത് എന്നും മുഖ്യമന്ത്രി വിമർശിച്ചിരുന്നു.