കൊച്ചി: ശ്വാസതടസത്തെ തുടർന്ന് പി ഡി പി ചെയർമാൻ അബ്ദുൾ നാസർ മദനിയെ ആശുപത്രിയിൽ പ്രവേശിപ്പിച്ചു. സ്വകാര്യ ആശുപത്രിയിലെ തീവ്ര പരിചരണ വിഭാഗത്തിലാണ് മദനിയെ പ്രവേശിപ്പിച്ചത്. പി.ഡി.പി സംസ്ഥാന ജനറൽ സെക്രട്ടറി വി എം. അലിയാർ പുറത്തിയ വാർത്താകുറിപ്പിലാണ് ഇക്കാര്യം അറിയിച്ചത്.

ഇന്ന് രാവിലെ രണ്ടര വരെ ശ്വാസതടസവും ഛർദിയും ഉണ്ടായിരുന്നു. തുടർന്നാണ് ആശുപത്രിയിലേക്ക് മാറ്റിയത്. വിവിധ വിഭാഗങ്ങളിലെ വിദഗ്ധ ഡോക്ടമാരുടെ സംഘം വിശദമായ പരിശോധന നടത്തി.

കിഡ്‌നിയുടെ പ്രവർത്തനം തകരാറിലായ സാഹചര്യത്തിൽ ഡയാലിസിസിന് വിധേയമാക്കപ്പെട്ടു. ഡോക്ടർമാരുടെ നിർദ്ദേശം അനുസരിച്ച് ചികിത്സ തുടരുന്നതായും വാർത്താ കുറിപ്പിൽ അറിയിച്ചു.