മലപ്പുറം വട്ടപ്പാറയിൽ സ്‌കൂട്ടറിൽ നിന്ന് തെറിച്ചുവീണ് 23കാരി മരിച്ചു; അപകടമുണ്ടായത് ജോലി ആവശ്യാർത്ഥം സഹോദരനോടൊപ്പം പോകുന്നതിനിടെ
മലപ്പുറം: ബൈക്ക് മുമ്പിലുണ്ടായിരിന്ന കാറിൽ ഇടിച്ചു. മലപ്പുറം വട്ടപ്പാറയിൽ സ്‌കൂട്ടറിൽ നിന്ന് തെറിച്ചുവീണ് 23കാരി മരിച്ചു. ജോലി ആവശ്യാർത്ഥം സഹോദരനോടൊപ്പം പോകുന്നതിനിടെയാണ് യുവതി മരിച്ചത്. മലപ്പുറം വട്ടപ്പാറയിലാണ് അപകടം നടന്നത്. വളാഞ്ചരി കാവുംപുറം സ്വദേശിനി ഉണ്ണിയേങ്ങൽ വീട്ടിൽ യൂസഫ് സൈനബ ദമ്പതികളുടെ മകൾ ജുമൈലയാണ് (23)മരിച്ചത്.
ഇന്നു രാവിലെ ഒമ്പത് മണിയോടെ വട്ടപ്പാറയിലെ പഴയ സർക്കിൾ ഓഫീസിന് സമീപത്ത് വച്ചാണ് ഇവർ സഞ്ചരിച്ച ബൈക്ക് അപകടത്തിൽപ്പെട്ടത്. വളാഞ്ചേരിയിൽ നിന്നും കോട്ടക്കൽ ഭാഗത്തേക്ക് ബൈക്കിൽ സഹോദരനൊപ്പം പോവുകയായിരുന്ന ജുമൈല. ഇതിനിടയിൽ ഇവർ സഞ്ചരിച്ച ബൈക്ക് മുമ്പിലുണ്ടായിരിന്ന കാറിൽ ഇടിക്കുകയായിരുന്നു. ഇടിയുടെ ആഘാതത്തിൽ യുവതി റോഡിലേക്ക് തെറിച്ചു വീഴുകയായിരുന്നു. ഉടൻ തന്നെ നാട്ടുകാരുടെ നേതൃത്വത്തിൽ ജുമൈലയെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ജോലി ആവശ്യാർത്ഥം സഹോദരൻ ജംഷീറിനൊപ്പം കോട്ടക്കലിലേക്ക് പോകുന്നതിനിടെയാണ് അപകടം സംഭവിച്ചത്. അപകടത്തിൽ സഹോദരൻ നിസാര പരിക്കുകളോടെ രക്ഷപ്പെട്ടു. വളാഞ്ചേരി പൊലീസ് ഇൻക്വസ്റ്റ് നടപടികൾ പൂർത്തിയാക്കും. തിരൂർ ജില്ലാ ആശുപത്രിയിൽ നിന്ന് പോസ്റ്റ്മോർട്ടം ഉൾപ്പെടെയുള്ള തുടർനടപടികൾ പൂർത്തിയാക്കി മൃതദേഹം ബന്ധുക്കൾക്ക് വിട്ടു നൽകും.
