അമിതവേഗത്തിലെത്തിയ കാർ ഇരുചക്രവാഹനങ്ങളെ ഇടിച്ചുതെറിപ്പിച്ചു; സ്‌കൂട്ടർ യാത്രികൻ മരിച്ചു; അഞ്ച് പേർക്ക് പരിക്ക്

കണ്ണൂർ: കണ്ണൂർ പാനൂരിൽ അമിതവേഗത്തിലെത്തിയ കാർ സ്‌കൂട്ടറുമായി കൂട്ടിയിച്ച് സ്‌കൂട്ടർ യാത്രികൻ മരിച്ചു. ഇരിട്ടി വള്ളിത്തോട് സ്വദേശി മുസ്തഫയാണ് മരിച്ചത്. ശനിയാഴ്ച രാവിലെയായിരുന്നു അപകടം. പാനൂർ കള്ളിക്കണ്ടി പഞ്ചായത്ത് ഓഫീസിന് സമീപമായിരുന്നു അപകടം. അഞ്ചുപേർക്ക് പരിക്കേറ്റു.

അമിതവേഗത്തിലെത്തിയ കാർ രണ്ട് ഇരുചക്രവാഹനങ്ങളെ ഇടിച്ച് തെറിപ്പിച്ചതായാണ് നാട്ടുകാർ പറയുന്നത്. ഇതിൽ ഒരു വാഹനത്തിലുണ്ടായിരുന്നയാളാണ് മരിച്ചത്. പരിക്കേറ്റ മുസ്തഫയെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. അപകടത്തിൽ അഞ്ച് പേർക്ക് പരിക്കേറ്റിട്ടുണ്ട്. ഇതിൽ രണ്ട് പേർ കുട്ടികളാണ്. എന്നാൽ ഇവരുടെ പരിക്കുകൾ ഗുരുതരമല്ലെന്നാണ് വിവരം.