തൃശൂർ: തുറന്നു കിടന്ന കാനയിൽ വീണ് യുവാവ് മരിച്ചു. ചേലക്കര സ്വദേശി അബു താഹിർ (22) ആണ് മരിച്ചത്. തൃശൂർ വാഴക്കോട് സംസ്ഥാന പാതയിൽ വച്ചായിരുന്നു അപകടം. ബൈക്ക് നിയന്ത്രണം വിട്ട് മൂടാത്ത കാനയിൽ വീഴുകയായിരുന്നു. ബൈക്കിൽ ഒപ്പമുണ്ടായിരുന്ന പാലക്കാട് അസീസിന് പരിക്കേറ്റു.

ആറടിയോളം താഴ്ചയുള്ള കുഴിയിലേക്കാണ് അബു താഹിർ വീണത്. റോഡു നിർമ്മിച്ചെങ്കിലും കാന മൂടിയിരുന്നില്ല. റോഡിന് സമീപം സംരക്ഷണ ഭിത്തി നിർമ്മിച്ചിരുന്നെങ്കിലും അപകടം ഉണ്ടാകുമായിരുന്നില്ലെന്ന് നാട്ടുകാർ പറഞ്ഞു. രാത്രിയിൽ ഇവിടെ അപകടസാധ്യത ഏറെയാണെന്നും പ്രദേശവാസികൾ പറഞ്ഞു.