കോതമംഗലം : പിതാവും പെൺമക്കളും സഞ്ചരിച്ചിരുന്ന ബൈക്ക് നിയന്ത്രണം വിട്ട് മതിലിൽ ഇടിച്ച് അപകടം. മക്കളിൽ ഒരാൾ മരിച്ചു. പിതാവിന് ഗുരുതര പരിക്ക്.
മാവുടി കുറുപ്പുംകണ്ടത്ത് വാടകയ്ക്ക് താമസിക്കുന്ന കാഞ്ഞിരംതടത്തിൽ വീട്ടിൽ സുനിൽ ഓടിച്ച ബൈക്കാണ് അപകടത്തിൽപ്പെട്ടത്. മകൾ മേഘയാണ് (18 ) മരണ
പ്പെട്ടത്.

സഹോദരി സ്നേഹയ്ക്കും സുനിലിനും പരിക്കേറ്റിരുന്നു. ഇതിൽ സുനിലിന്റെ തലയ്ക്ക് സാരമായ പരി ക്കേറ്റിട്ടുണ്ട്. 3 പേരെയും ഇന്നലെ ആലുവ രാജശിരി ആശുപത്രിയിൽ പ്രവേശിപ്പിച്ചിരുന്നു. ഇന്നലെ പകൽ മൂന്നോടെ അടിവാട് തെക്കേക്കവലയിലാണ് അപകടം നടന്നത്. സ്നേഹയുടെ പരിക്ക് ഗുരുതരമല്ല. പോത്താനിക്കാട് ബാർബർ ഷോപ്പ് നടത്തുകയാണ് സുനിൽ. വിദേശത്തായിരുന്ന സുനിലിന്റെ ഭാര്യ ഷൈജ നാട്ടിലെത്തിയിട്ടുണ്ട്. ഉടുപ്പ് വാങ്ങണമെന്ന് മേഘ പറഞ്ഞെന്നും ഇതെത്തുടർന്നാണ് സുനിൽ ബൈക്കിൽ മക്കളെയും കയറ്റി അടിവാട് എത്തിയതെന്നുമാണ് സൂചന.

 

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.