മലപ്പുറത്ത് സ്‌കൂൾ ബസ് ബൈക്കിന് മീതെ മറിഞ്ഞ് ആറു വയസ്സുകാരി മരിച്ചു; ഏഴ് വിദ്യാർത്ഥികൾക്ക് പരുക്ക്

മലപ്പുറം: മലപ്പുറത്ത് നിയന്ത്രണം നഷ്ടപ്പെട്ട സ്‌കൂൾ ബസ് ബൈക്കിനു മുകളിലേക്കു മറിഞ്ഞ് ആറുവയസ്സുകാരി കുട്ടി മരിച്ചു. മലപ്പുറം പളിക്കൽ ആന്തിയൂർകുന്നിലാണ് സംഭവം. മുത്തച്ഛനൊപ്പം ബൈക്കിൽ സഞ്ചരിക്കുകയായിരുന്ന ഹയ ഫാത്തിമ (6) എന്ന വിദ്യാർത്ഥിനിയാണ് മരിച്ചത്. പുളിക്കൽ നോവൽ ഇന്റർനാഷണൽ സ്‌കൂളിന്റെ ബസ് ആണ് അപകടത്തിൽപ്പെട്ടത്. ഏഴ് വിദ്യാർത്ഥികൾക്ക് പരിക്കേറ്റു.

ബ്രേക്ക് നഷ്ടമായ ബസ് മതിലിൽ ഇടിച്ചു ശേഷം ബൈക്കിനു മുകളിലേക്കു മറിയുകയായിരുന്നു. ബസിൽ നാൽപ്പതോളം കുട്ടികൾ ഉണ്ടായിരുന്നു. മരിച്ച ഹയ ഫാത്തിമ നോവൽ ഇന്റർനാഷണൽ സ്‌കൂളിലെ വിദ്യാർത്ഥിനിയാണ്. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. തഹസിൽദാർ ഉൾപ്പെടെയുള്ള സംഘം ആശുപത്രിയിൽ എത്തിയിട്ടുണ്ട്. സ്‌കൂൾ വിദ്യാർത്ഥികളുടെ പരുക്ക് സാരമല്ല