പന്ത്രണ്ടുകാരൻ ഭാരതപ്പുഴയിൽ മുങ്ങി മരിച്ചു; അപകടം കൂട്ടുകാരുമായി കുളിക്കാനിറങ്ങിയപ്പോൾ

മലപ്പുറം: മലപ്പുറം കുറ്റിപ്പുറം പാഴൂർ ജുമ മസ്ജിദ് സമീപം താമസിക്കുന്ന പുത്തൻ പിടിയേക്കൽ സൈനുദ്ധീന്റെ മകൻ മുഹമ്മദ് സനൂപ്(12) ഭാരതപുഴയിൽ മുങ്ങി മരിച്ചു. ചെമ്പിക്കലിൽ ഇന്നു വൈകുന്നേരം 4 മണിയോടെ കൂട്ടുകാരുമായി കുളിക്കാനിറങ്ങിയതായിരുന്നു.

മൃതദേഹം ഇൻക്വസ്റ്റ് നടപടി പൂർത്തിയാക്കി തീരുർ ജില്ലാ ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ്. ഉമ്മ:ആയിശ. സഹോദരങ്ങൾ: സൈഫുദീൻ ജുമൈലത്ത്. പ്രതിപക്ഷ നേതാവ് വി.ഡി. സതീശൻ, ആബിദ് ഹുസൈൻ തങ്ങൾ എം.എൽഎ, പാണക്കാട് സയ്യിദ് ബശീർ അലി ശിഹാബ് തങ്ങൾ, പാണക്കാട് സയ്യിദ് മുനവ്വറലി ശിഹാബ് തങ്ങൾ എന്നിവർ കുറ്റിപ്പുറം അമാന ആശുപത്രിയിൽ എത്തി മൃതദേഹത്തിൽ അന്തിമോപചാരം അർപ്പിച്ചു