വയനാട്ടിൽ യുവാവ് പാലത്തിൽ നിന്ന് പുഴയിലേക്ക് ചാടിയതായി സംശയം

വയനാട്: മാനന്തവാടി കൊയിലേരി പാലത്തിൽ നിന്നും യുവാവ് പുഴയിലേക്ക് ചാടിയതായി സംശയം. പാലത്തിന് സമീപത്ത് നിന്നും ആത്മഹത്യാക്കുറിപ്പും ചെരിപ്പും കണ്ടെത്തി.

കാപ്പുംചാൽ കല്ലിട്ടാതാഴെ കോളനിയിലെ ജയേഷ് (39) ആണ് ചാടിയതെന്നാണ് സൂചന. നാട്ടുകാരാണ് ഇത് ആദ്യം കണ്ടത്. തുടർന്ന് പൊലീസിൽ അറിയിക്കുകയായിരുന്നു. ഫയർഫോഴ്‌സിന്റെയും സന്നദ്ധ സംഘടന പ്രവർത്തകരുടെയും നേതൃത്വത്തിൽ തെരച്ചിൽ നടക്കുന്നുണ്ട്. മാനന്തവാടി പൊലീസും സ്ഥലത്തെത്തിയിട്ടുണ്ട്.