ബൈക്കുമായി പാലത്തിൽ നിന്ന് പുഴയിലേക്ക് വീണ യുവാവ് മരിച്ചു

കണ്ണൂർ: ബൈക്കുമായി പാലത്തിൽ നിന്ന് പുഴയിലേക്ക് വീണ യുവാവ് ചികിത്സയ്ക്കിടെ മരിച്ചു. ബുധനാഴ്‌ച്ച പുലർച്ചെ 12.10 നാണ് കണ്ണൂർ ഗവ. മെഡിക്കൽ കോളേജിൽ ചികിത്സയിലിരിക്കെ ഓലയമ്പാടി കണ്ണാടിപ്പൊയിലിലെ ജിഷ്ണു(23) മരിച്ചത്. പാണപ്പുഴ മാത്ത്വയൽ പാലത്തിന്റെ അരികിൽ കൂടി പുഴയിലേക്ക് വീണത്. ചൊവ്വാഴ്‌ച്ച രാത്രി ഏഴരയോടെയാണ് അപകടം.

അമിത വേഗതയിൽ വന്ന ബൈക്ക് റോഡിൽ നിന്ന് നിയന്ത്രണം തെറ്റി പാലത്തിന് കീഴെ കോൺക്രീറ്റ് തിട്ടയിലേക്ക് വീഴുകയും യുവാവ് വെള്ളത്തിൽ പതിക്കുകയായിരുന്നു. ശബ്ദം കേട്ടു ഓടിയെത്തിയ നാട്ടുകാരാണ് ജിഷ്ണുവിനെ പുറത്തെടുത്ത് പ്രാഥമിക ശ്രുശ്രൂഷ നൽകി പരിയാരത്തെ കണ്ണൂർ ഗവ.മെഡിക്കൽ കോളേജിലെത്തിച്ചത്.

മാതമംഗലം ഭാഗത്തുനിന്നും പാണപ്പുഴയിലേക്ക് വരുമ്പോഴാണ് സംഭവം. കുറച്ച് വർഷങ്ങൾക്ക് മുൻപെ ബസും ബൈക്കും കൂട്ടിയിടിച്ച് ഇതേ യുവാവിന് ഗുരുതര പരിക്കേറ്റിരുന്നു. അന്നുണ്ടായ പരുക്കിൽ നിന്നും ഏറെക്കാലം ചികിത്സ തേടി മുക്തനായി സ്വകാര്യ ബസിൽ കണ്ടക്ടറായി പ്രാക്ടീസ് ചെയ്തുതു വരികയായിരുന്നു. ഇതിനുശേഷമാണ് വീണ്ടും അപകടമുണ്ടായത്.

ഓലയമ്പാടിയിലെ ബിജു-സീമ ദമ്പതികളുടെ മകനാണ്.സഹോദരങ്ങൾ: ജിതിൻ, ജിബിൻ.
ശവസംസ്‌ക്കാരം ഓലയമ്പാടിയിൽ നടന്നു.