പരിയാരത്ത് ബസിന് മുൻപിൽ ചാടി യുവാവ് ജീവനൊടുക്കി

കണ്ണൂർ: പരിയാരത്ത് യുവാവ് ഓടുന്ന ബസിന് മുന്നിലേക്ക് ചാടി ജീവനൊടുക്കി. പരിയാരം പൊലിസ് സ്റ്റേഷൻ പരിധിയിലെ കുളപ്പുറം ഈസ്റ്റ് ഭഗത്സിങ് വായനശാലക്ക് സമീപത്തെ കിഴക്കിനിയിൽ ആദിത്യാ(24)ണ് മരിച്ചത്. ശനിയാഴ്‌ച്ച വൈകുന്നേരം 5.15 ന് പയ്യന്നൂരിലേക്ക് പോകുകയായിരുന്ന കെ.എൽ.13 എ.വി. 5679 പ്രതാപ് എന്ന സ്വകാര്യ ബസിന് മുന്നിലേക്ക് റോഡരികിൽ നിന്ന ആദിത്യ ഓടി വന്ന് എടുത്തുചാടുകയായിരുന്നു.

ഇത് സി.സി.ടി.വി ദൃശ്യങ്ങളിൽ നിന്ന് പൊലീസിന് ലഭിച്ചിട്ടുണ്ട്. നല്ല വേഗതയിലായിരുന്ന ബസിനടയിൽപെട്ട പെട്ട ആദിത്യ തൽക്ഷണം മരിച്ചു. കുളപ്പുറത്തെ ജയപ്രകാശൻ-ബിന്ദു ദമ്പതികളുടെ മകനാണ്. സഹോദരി ആവണി. യുവാവ് മാനസിക വിഭ്രാന്തിക്ക് ചികിത്സയിലായിരുന്നുവെന്നാണ് പരിയാരം പൊലിസിന് ലഭിച്ച പ്രാഥമിക വിവരം. പൊലിസ് ഇൻക്വസ്റ്റ് നടത്തി. മൃതദേഹം കണ്ണൂർ ഗവ.മെഡിക്കൽ കോളേജ് മോർച്ചറിയിൽ.