കാസർകോട് സുഹൃത്തിന്റെ കുത്തേറ്റ് യുവാവ് മരിച്ചു

കാസർകോട്: സുഹൃത്തിന്റെ കുത്തേറ്റ് യുവാവ് മരിച്ചു. കാസർകോട് ചിറ്റാരിക്കാലിലാണ് സംഭവം. മൗക്കോട് സ്വദേശി കെ.വി. പ്രദീപ് കുമാർ (41) ആണ് മരിച്ചത്.

യുവാവിനെ കുത്തി കൊലപ്പെടുത്തിയ ജോൺ എന്ന റെജിയെ പൊലീസ് അറസ്റ്റുചെയ്തു. മദ്യപാനത്തിനിടെയുണ്ടായ തർക്കമാണ് കൊലപാതകത്തിലേയ്ക്ക് നയിച്ചതെന്ന് പൊലീസ് പറഞ്ഞു. കൊല്ലപ്പെട്ട പ്രദീപിന്റെ മൃതദേഹം ആശുപത്രിയിലേയ്ക്ക് മാറ്റി. പോസ്റ്റുമോർട്ടം നടപടികൾ പൂർത്തിയാക്കിയശേഷം മൃതദേഹം ബന്ധുക്കൾക്ക് വിട്ടുനൽകുമെന്ന് പൊലീസ് അറിയിച്ചു.