ഇടുക്കി: ബൈക്ക് അപകടത്തിൽ യുവാവ് മരിച്ചു. നെടുംകണ്ടം തിങ്കൾകാട്ടിലാണ് സംഭവം. നെടുംകണ്ടം മഞ്ഞപ്പെട്ടി കുഴിപ്പിൽ ടോം ആണ് മരിച്ചത്.

എതിർ ദിശയിൽ എത്തിയ സ്വകാര്യ ബസിൽ ഇടിക്കാതെ വെട്ടിച്ചു മാറ്റുന്നതിനിടെയാണ് അപകടം സംഭവിച്ചത്. ബൈക്ക് വെട്ടിച്ച്മാറ്റുന്നതിനിടെ നിയന്ത്രണം നഷ്ടമായി ബൈക്ക് മറിഞ്ഞ് റോഡിൽ വീഴുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

എറണാകുളത്തെ സ്വകാര്യ സ്ഥാപനത്തിൽ ജോലി ചെയ്യുകയാണ് ടോം. വീട്ടിൽ എത്തി തിരികെ മടങ്ങുന്നതിനിടെ ആയിരുന്നു അപകടം.