ഒരു കിലോ അമ്പത് ഗ്രാം കഞ്ചാവുമായി രണ്ട് യുവാക്കൾ പിടിയിൽ; മീൽവിൽപ്പനയുടെ മറവിൽ നടന്നത് കഞ്ചാവ് വിൽപ്പന

പെരുമ്പാവൂർ:വിൽപ്പനയ്ക്കായി കൊണ്ടുവന്ന ഒരു കിലോ അമ്പത് ഗ്രാം കഞ്ചാവുമായി രണ്ട് യുവാക്കൾ പിടിയിൽ. കിഴക്കമ്പലം വിലങ്ങിൽ വാടകയ്ക്ക് താമസിക്കുന്ന അടിമാലി തണ്ടേൽ ഷമീർ (28), അടിമാലി മന്നംകണ്ടം തുമ്പലാത്ത് വീട്ടിൽ അബിൻസ് (29) എന്നിവരെയാണ് കുന്നത്തുനാട് പൊലീസ് അറസ്റ്റ് ചെയ്തത്.

കാറിൽ പട്ടിമറ്റം കോട്ടമല ഭാഗത്ത് കഞ്ചാവ് വിൽപ്പനയ്ക്ക് എത്തിക്കുമ്പോഴാണ് പിടിയിലാകുന്നത്. കാറിന്റെ രഹസ്യ അറയിൽ ചെറിയ പൊതിയാക്കിയാണ് കഞ്ചാവ് സൂക്ഷിച്ചിരുന്നത്. അതിഥി തൊഴിലാളികൾക്കും, യുവാക്കൾക്കും ആണ് വിൽപ്പന. കാറും, പൊതിയാനുപയോഗിക്കുന്ന പേപ്പറുകളും കസ്റ്റഡിയിലെടുത്തു. ഷമീറിന് മീൻ വിൽപനയാണ്.

ഇതിന്റെ മറപിടിച്ചാണ് കഞ്ചാവ് കച്ചവടം നടത്തുന്നത്. ജില്ലാ പൊലീസ് മേധാവി വിവേക് കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ എ.എസ്‌പി ജുവനപ്പടി മഹേഷ്, ഇൻസ്‌പെക്ടർ വി.പി.സുധീഷ്, എസ്‌ഐ. എ.എൽ.അഭിലാഷ്, എഎസ്ഐ വേണുഗോപാൽ എസ്.സി.പി.ഒമാരായ പി.എ.അഫ്‌സൽ, അലിക്കുഞ്ഞ് ,അജിൽ കുമാർ, അഭിലാഷ് എന്നിവർ ചേർന്നാണ് പിടികൂടിയത്.