കോഴിക്കോട് നിന്ന് ബംഗളൂരുവിലേക്ക് പുതിയൊരു ട്രെയിൻ കൂടി; പ്രഖ്യാപനവുമായി റെയിൽവേ

കോഴിക്കോട്: ബംഗളൂരുവിൽ നിന്ന് കോഴിക്കോടേക്ക് പുതിയൊരു ട്രെയിൻ കൂടി പ്രഖ്യാപിച്ച് ഇന്ത്യൻ റെയിൽവേ. കണ്ണൂരിൽ നിന്ന് ബംഗളൂരുവിലേക്കുള്ള ട്രെയിനാണ് കോഴിക്കോട് വരെ ദീർഘിപ്പിച്ചത്. ട്രെയിൻ നമ്പർ 16511 കെ.എസ്.ആർ ബംഗളൂരു-കോഴിക്കോട് എക്സ്‌പ്രസ് രാത്രി 9.35ന് ബംഗളൂരുവിൽ നിന്നും പുറപ്പെടും. പിറ്റേന്ന് രാവിലെ 10.55ന് ട്രെയിൻ കണ്ണൂരിലെത്തും. ഉച്ചക്ക് 12.40നാണ് ട്രെയിൻ കോഴിക്കോട് എത്തുക.

വൈകീട്ട് 3.30ന് ട്രെയിൻ ബംഗളൂരുവിലേക്ക് പുറപ്പെടും. അഞ്ച് മണിക്ക് കണ്ണൂരിലെത്തും. പിറ്റേന്ന് രാവിലെ 6.35നാകും ട്രെയിൻ കെ.എസ്.ആർ ബംഗളൂരുവിലെത്തുക. തലശ്ശേരി,വടകര,കൊയിലാണ്ടി തുടങ്ങിയ സ്ഥലങ്ങളിൽ ട്രെയിനിന് സ്റ്റോപ്പുണ്ടാകും