പാലക്കാട്: കൈക്കൂലി വാങ്ങുന്നതിനിടെ താലൂക്ക് സർവേയർ വിജിലൻസിന്റെ പിടിയിലായി. മണ്ണാർക്കാട് താലൂക്ക് സർവേയർ പി സി രാമദാസ് പിടിയിലായത്. പത്തു സെന്റ് സ്ഥലത്തിന്റെ തരംമാറ്റവുമായി ബന്ധപ്പെട്ട് 40,000 രൂപ കൈക്കൂലി വാങ്ങുന്നതിനിടെയാണ് പിടിയിലാകുന്നത്.

വസ്തു തരംമാറ്റത്തിന് സ്ഥലം ഉടമയോട് 75,000 രൂപയാണ് കൈക്കൂലി ആവശ്യപ്പെട്ടിരുന്നത്. പിന്നീട് വിലപേശി 60,000 ലും തുടർന്ന് 50,000 ലുമെത്തി. ഒടുവിൽ 40,000 രൂപയെങ്കിലും തന്നാൽ ഇടപാട് ശരിയാക്കാമെന്ന് സർവേയർ അറിയിച്ചു.

തുടർന്ന് വിവരം വിജിലൻസിനെ അറിയിച്ചു. വിജിലൻസ് നൽകിയ 40,000 രൂപ കൈക്കൂലിയായി വാങ്ങുന്നതിനിടെ ചിറയ്ക്കൽപ്പടിയിൽ വച്ചാണ് സർവേയർ രാമദാസിനെ കസ്റ്റഡിയിലെടുക്കുന്നത്.