തൊടുപുഴ: തൊടുപുഴയിൽ വൃദ്ധ ദമ്പതികളെ വീടിനുള്ളിൽ മരിച്ചനിലയിൽ കണ്ടെത്തി. കാരിക്കോട് ഉണ്ടപ്ലാവ് തിമ്മലയിൽ ഇസ്മയിൽ (67) ഭാര്യ ഹലീമ (55) എന്നിവരുടെ മൃതദ്ദേഹങ്ങളാണ് ഇന്ന് രാവിലെ വീടിനുള്ളിൽ കണ്ടെത്തിയിട്ടുള്ളത്. വാട്ടർ അതോററ്റിയിലെ ജീവനക്കാരനായ മകൻ മാഹിൻ ജോലി കഴിഞ്ഞ് വീട്ടിലെത്തിയപ്പോൾ വാതിൽ അടച്ചിട്ടനിലയിലായിരുന്നു.

ജനലിലൂടെ നോക്കുമ്പോഴാണ് ഹലീമയെ മുറിയിക്കുള്ളിൽ അനക്കമറ്റ് നിലയിൽ മാഹിൻ കാണുന്നത്.ഈ സമയം മൊബൈലിൽ വളിച്ചിട്ട് കിട്ടാത്തതിനാൽ ഇസ്മയിലിന്റെ സഹോദരനും വീട്ടിലെത്തിയിരുന്നു.തുടർന്ന് അയൽക്കാരെയും വിവരം അറിയിച്ച ശേഷം ഇവർ വീടിന്റെ വാതിൽത്തുറന്ന് അകത്ത് പരിശോധിക്കുമ്പോഴാണ് ഇസ്മയിലിനെ തുങ്ങിമരിച്ച നിലയിൽ കണ്ടെത്തുന്നത്.

ഹലീമയുടെ നെറ്റിയിൽ ചെറിയമുഴയുണ്ട്. ഇവർ എങ്ങിനെയാണ് മരണപ്പെട്ടത് എന്നത്് പോസ്റ്റുമോർട്ടത്തിലെ വ്യക്തമാവു എന്നാണ് പൊലീസ് നിലപാട്. അടുത്തിടെയായി ഹലീമ അകാരണമായി ദേഷ്യപ്പെട്ടിരുന്നതായി മകൻ മാഹിൻ പൊലീസിൽ വെളിപ്പെടുത്തിയിട്ടുണ്ട്.

മാഹിന്റെ ഭാര്യയും മക്കളും വ്യാഴാഴ്ച അവരുടെ വീട്ടിലേയ്ക്ക് പോയിരുന്നു. ഇന്നലെ നൈറ്റ് ഡ്യൂട്ടി ആയിരുന്നതിനാൽ മാഹിനും വീട്ടിൽ ഉണ്ടായിരുന്നില്ല.തൊടുപുഴ പൊലീസ് മേൽനടപടി സ്വീകരിച്ചുവരുന്നു.

 

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.