കണ്ണൂർ : മാരക മയക്കുമരുന്നായ എംഡിഎംഎ യുമായി രണ്ടുയുവാക്കൾ കൂത്തുപറമ്പ് പൊലീസിന്റെ പിടിയിലായി. കൂത്തുപറമ്പ് ഇൻസ്പെക്ടർ ശ്രീജിത്തുകൊടേരിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ കൂത്തുപറമ്പ് ബസ്റ്റാന്റിന്റെ അടുത്തുള്ള ഗ്രൗണ്ടിന് സമീപത്തുനിന്നാണ് രണ്ടുപേർ പിടിയിലായത്.

ഇവരുടെ ശരീരത്തിൽ നിന്നും, ഫിയേറ്റ് കാറിൽ നിന്നുമായി 1.76 ഗ്രാം എംഡിഎംഎ പൊലീസ് കണ്ടെടുത്തു.മുഹമ്മദ് അജ്മൽ കെ. പി(24), കോട്ടയംപൊയ്യിൽ. സിജാഹ്.സി(23), എന്നിവരെയാണ് പിടികൂടിയത്.

ബാംഗ്‌ളൂരുവിൽ നിന്ന് എത്തിക്കുന്ന മയക്കുമരുന്നുകൾ ഇരിട്ടിയിൽ നിന്നാണ് ലഭിച്ചതെന്ന് ചോദ്യംചെയ്യലിൽ അറസ്റ്റിലായവർ പറഞ്ഞു. ഇതിനെ കുറിച്ച് കൂത്തുപറമ്പ് പൊലീസ് കൂടുതലായി അന്വേഷിച്ച് വരികയാണ്. കൂത്തുപറമ്പ് ഇൻസ്പെക്ടർ ഓഫ് പൊലീസ് ശ്രീജിത്തുകൊടേരി, എസ്‌ഐ ദീപ്തി, എസ്എസ്‌ഐ പ്രേമൻ, DANSAF ടീം അംഗങ്ങളിലെ CPO മാരായ അനൂപ്,രാഹുൽ എന്നിവരാണ് സംഘത്തിൽ ഉണ്ടായിരുന്നത്.