പെരുമ്പാവൂർ: ബൈക്ക് മോഷ്ടാവും കൂടെ കറങ്ങി നടന്നയയാളും പിടിയിൽ. വണ്ണപ്പുറം, പഴയരിക്കണ്ടം, പുളിക്കത്തൊട്ടി തോട്ടത്തിൽ വീട്ടിൽ അനീഷ് ഷാജി (18), ഇടുക്കി, പഴയ വിടുതി, മമ്മൂട്ടിക്കാനം, പെരിങ്ങാട്ടുമാലിൽ വീട്ടിൽ വിശാൽ (18) എന്നിവരെയാണ് പെരുമ്പാവൂർ പൊലീസ് പിടികൂടിയത്.

ഇപ്പോൾ വെങ്ങോല മാർബിൾ ജംഗ്ഷനിലാണ് ഇരുവരും താമസിക്കുന്നത്. ജൂലൈ ഒന്നിന് പുലർച്ചെ പെരുമ്പാവൂർ സോഫിയ കോളേജ് ഭാഗത്തുനിന്നുമാണ് ബൈക്ക് മോഷണം നടത്തിയത്. പ്രത്യേക അന്വേഷണസംഘം നടത്തിയ അന്വേഷണത്തിനിടയിലാണ് പ്രതികൾ പിടിയിലാകുന്നത്. അനീഷ് മോഷ്ടിച്ചെടുത്ത ശേഷം ബൈക്ക് വിശാലിന് ഓടിക്കാൻ നൽകുകയായിരുന്നു.

പിടികൂടുമ്പോൾ വാഹനത്തിന്റെ നമ്പർ പ്ലേറ്റ് തിരുത്തിയ നിലയിലായിരുന്നു. അനീഷിന് പെരുമ്പാവൂർ, എടത്തല പൊലീസ് സ്റ്റേഷനുകളിൽ ബൈക്ക് മോഷണത്തിനും, എറണാകുളം റെയിൽവേ പൊലീസ് സ്റ്റേഷനിൽ മൊബൈൽ ഫോൺ മോഷണത്തിനും കേസുകളുണ്ട്. കഴിഞ്ഞയാഴ്ച രണ്ട് സ്‌കൂട്ടർ മോഷ്ടിച്ച ചെന്നൈ സ്വദേശി ശരവണനെ പെരുമ്പാവൂർ പൊലീസ് പിടികൂടിയിരുന്നു. എ.എസ്‌പി അനൂജ് പലവാലിന്റെ നേതൃത്വത്തിൽ ഇൻസ്‌പെക്ടർ ആർ.രഞ്ജിത്ത്, എസ്‌ഐ മാരായ റിൻസ് എം തോമസ്, ജോസ്സി എം ജോൺസൻ, ബിനോയ്, എഎസ്ഐ ജയചന്ദ്രൻ, എസ്.സി.പി.ഒ അബ്ദുൾ മനാഫ്, സി.പി.ഒ മാരായ സുബൈർ, ജിജുമോൻ തോമസ് എന്നിവരാണ് അന്വേഷണ സംഘത്തിലുണ്ടായിരു