മുടി വെട്ടാൻ വന്ന എഴ് വയസുകാരിക്ക് നേരേ ലൈംഗികാതിക്രമം; ബാർബർ ഷോപ്പ് ജീവനക്കാരൻ അറസ്റ്റിൽ

മലപ്പുറം: പെരുമ്പടപ്പിൽ പോക്‌സോ നിയമ പ്രകാരം യുവാവിനെ അറസ്റ്റ് ചെയ്തു. പൊന്നാനി ചന്തപ്പടി സ്വദേശി പുത്തൻകുടിയിൽ വീട്ടിൽ അബ്ദുൽ നാസറിന്റെ മകൻ മിറാഷ് (32) നെയാണ് പെരുമ്പടപ്പ് പൊലീസ് അറസ്റ്റ് ചെയ്തത്. പുത്തൻപള്ളിയിലുള്ള ബാർബർ ഷോപ്പിൽ ജോലി ചെയ്തിരുന്ന മിറാഷ് മുടി വെട്ടാൻ വന്ന ഏഴ് വയസ്സുകാരിക്കെതിരെ ലൈംഗിക അതിക്രമം നടത്തുകയായിരുന്നു.

ഒൻപതാം തിയ്യതി രാത്രി ഒൻപത് മണിക്ക് ആയിരുന്നു സംഭവം. കുട്ടിയുടെ പരാതി പ്രകാരം പെരുമ്പടപ്പ് പൊലീസ് കേസെടുത്തു മിറാഷിനെ അറസ്റ്റ് ചെയ്തു. പ്രതിയെ കോടതിയിൽ ഹാജരാക്കി റിമാന്റ് ചെയ്തു. അതേ സമയം സ്ത്രീകൾക്കും കുട്ടികൾക്കും എതിരെയുള്ള പീഡനക്കേസുകളിൽ സർക്കാർ നടപടികൾ കർശനമാക്കണമെന്ന് വനിതാ ലീഗ് മഞ്ചേരി മണ്ഡലം കമ്മിറ്റി സംഘടിപ്പിച്ച ലീഡേഴ്‌സ് മീറ്റ് ആവശ്യപ്പെട്ടു.