കൊല്ലത്ത് യുവാവിന്റെ മൃതദേഹം തെരുവുനായ്ക്കൾ കടിച്ചുകീറിയ നിലയിൽ; അരയ്ക്ക് താഴോട്ടുള്ള ഭാഗം പൂർണമായി നായ്ക്കൾ ഭക്ഷിച്ച നിലയിൽ; മൃതദേഹം കണ്ടത്തിയത ആളൊഴിഞ്ഞ പുരയിടത്തിൽ

കൊല്ലം: ഇരുപത് ദിവസത്തോളം പഴക്കമുള്ള മൃതദേഹം തെരുവു നായ്ക്കൾ കടിച്ചുകീറിയ നിലയിൽ കണ്ടെത്തി. കൊല്ലം പാരിപ്പള്ളി ചാവർകോടാണ് സംഭവം. ചാവർകോട് ഗാംഗാലയം വീട്ടിൽ അജിത് ദേവദാസിന്റേതാണ് മൃതദേഹമെന്ന് സ്ഥിരീകരിച്ചു. അരയ്ക്ക് താഴോട്ടുള്ള ഭാഗം പൂർണമായി നായ്ക്കൾ ഭക്ഷിച്ച നിലയിലാണ്.

ആളൊഴിഞ്ഞ പുരയിടത്തിൽ പറങ്കിമാവിന്റെ ചുവട്ടിലായാണ് മൃതദേഹം കണ്ടെത്തിയത്. പ്രദേശത്ത് ദുർഗന്ധം വമിച്ചതോടെ കഴിഞ്ഞദിവസം രാത്രി നാട്ടുകാർ വിവരം പൊലിസിനെ അറിയിച്ചു. തുടർന്ന് നടത്തിയ തെരച്ചിലിലാണ് മൃതദേഹം കണ്ടെത്തിയത്.

അജിത്തും ഭാര്യയും തമ്മിൽ കുടുംബപ്രശ്നങ്ങൾ ഉണ്ടായിരുന്നതായി പൊലീസ് പറഞ്ഞു. അജിത്തിനെതിരെ ഭാര്യ പാരിപ്പള്ളി പൊലീസ് സ്റ്റേഷനിൽ പരാതിയും നൽകിയിരുന്നു. ഇയാൾ തനിച്ചായിരുന്നു താമസമെന്നും പൊലീസ് പറഞ്ഞു ഫോറൻസിക് സംഘം സ്ഥലത്തെത്തി നടപടികൾ പൂർത്തിയാക്കി. തുടർനടപടികൾക്കായി മൃതദേഹം പാരിപ്പള്ളി മെഡിക്കൽ കോളജ് ആശുപത്രിയിലേയ്ക്ക് മാറ്റി.