കണ്ണൂർ: കുമ്പളയിലെപ്ലൈവുഡ് ഫാക്ടറിയിലെ സ്ലാബ് തകർന്നു വീണു പയ്യന്നൂർ കേളോത്ത് സ്വദേശിയായ സൂപ്പർവൈസർ അതിദാരുണമായി മരിച്ചു. കുമ്പള പ്ലൈവുഡ് ഫാക്ടറിയുടെ സ്ലാബ് തകർന്നു വീണാണ് സൂപ്പർവൈസർ മരിച്ചത് .പയ്യന്നൂർ കേളോത്ത് സ്വദേശി റഊഫ് (60) ആണ് മരിച്ചത്. കുമ്പള അനന്തപുരത്തെ മൊണാർക്ക് പ്ലൈവുഡ് ഫാക്ടറിയിലാണ് അപകടമുണ്ടായത്.

തിങ്കളാഴ്ച ഉച്ചയോടെയാണ് സംഭവം. വർഷങ്ങളായി പ്രവർത്തിക്കുന്ന പ്ലൈവുഡ് ഫാക്ടറിയിൽ നവീകരണം നടന്നുവരികയായിരുന്നു. ഇവിടെ നിർമ്മിച്ച കോൺക്രീറ്റ് സ്ലാബാണ് പെട്ടെന്ന് തകർന്നു വീണത്. സ്ലാബ് തലയിലേക്ക് പതിച്ചതിനെത്തുടർന്ന് റൗഫ് സംഭവസ്ഥലത്തു തന്നെ മരിച്ചു. മൃതദേഹം ആശുപത്രിയിലേക്ക് മാറ്റിയിട്ടുണ്ട്. വിവരമറിഞ്ഞ് കുമ്പള പൊലീസ് സ്ഥലത്തെത്തി അന്വേഷണം ആരംഭിച്ചു. നിർമ്മാണത്തിലെ അശാസ്ത്രീയതയാണ് അപകടത്തിന് കാരണമെന്ന് പൊലിസ് സംശയിക്കുന്നു.