കേരള എക്‌സപ്രസിന് മുകളിലേക്ക് വൈദ്യുതി കമ്പി പൊട്ടിവീണു; അപകടം കോട്ടയം കോതനെല്ലൂരിന് സമീപത്തുവെച്ച്; ആളപായമില്ല

കോട്ടയം: ഓടുന്ന ട്രെയിനിന് മുകളിലേക്ക് വൈദ്യുതി കമ്പി പൊട്ടിവീണു. കോട്ടയം കോതനെല്ലൂരിന് സമീപത്തുവച്ചാണ് അപകടമുണ്ടായത്.

തിരുവനന്തപുരം-ന്യൂഡൽഹി കേരള എക്പ്രസിന് മുകളിലേക്കാണ് വൈദ്യുതി കമ്പി പൊട്ടിവീണത്. സംഭവത്തെ തുടർന്ന് ട്രെയിൻ നിർത്തിയിട്ടു. യാത്രക്കാരെ പുറത്തിറക്കി.

കഴിഞ്ഞദിവസം പുതുക്കാടിന് സമീപം ചരക്ക് തീവണ്ടി പാളം തെറ്റിയ സംഭവത്തിന് തൊട്ടടുത്ത ദിവസമാണ് തീവണ്ടിക്ക് മുകളിലേക്ക് വൈദ്യുതി കമ്പി പൊട്ടിവീണത്.