മണ്ണാർക്കാട്: നെല്ലിപ്പുഴ പാലത്തിനു സമീപം പൊലീസിന്റെ വാഹന പരിശോധനയ്ക്കിടെ അഞ്ച് ഗ്രാം മെത്താംഫെറ്റമിനുമായി യുവാവ് അറസ്റ്റിൽ. മലപ്പുറം അരക്കുപറമ്പ് റാവുത്തർ വീട്ടിൽ സഫ്വാനായെണ് മണ്ണാർക്കാട് പൊലീസിന്റെ പിടിയിലായത്. പട്രോളിങ്ങിന്റെ ഭാഗമായി പരിശോധന നടത്തുന്നതിനിടെ നെല്ലിപ്പുഴ പാലത്തിനു സമീപം യുവാവ് ഒറ്റയ്ക്ക് ഇരിക്കുന്നത് കണ്ട് ചോദ്യം ചെയ്യുകയായിരുന്നു.

രണ്ടു ദിവസം മുൻപ് ബെംഗളൂരുവിൽ പോയി മടങ്ങിയതാണെന്നും മണ്ണാർക്കാട്ടെ സുഹൃത്തിനായി കൊണ്ടുവന്ന മെത്താംഫെറ്റമിൻ നൽകാനാണ് നെല്ലിപ്പുഴയിൽ കാത്തിരുന്നതെന്നും സഫ്വാൻ പറഞ്ഞതായി പൊലീസ് അറിയിച്ചു. എസ്‌ഐ വി.വിവേകിന്റെ നേതൃത്വത്തിലുള്ള പൊലീസ് സംഘമാണ് പിടികൂടിയത്.

 

മെത്താംഫെറ്റമിൻയുവാവ് അറസ്റ്റിൽ