ലനീഷ് കുമാർ റിപ്പബ്ലിക്കൻ യൂത്ത് ഫെഡറേഷൻ ഓഫ് ഇന്ത്യയുടെ സംസ്ഥാന പ്രസിഡന്റ്; സംഘടന റിപ്പബ്ലിക്കൻ പാർട്ടി ഓഫ് ഇന്ത്യയുടെ യുവജന വിഭാഗം

കൊച്ചി: റിപ്പബ്ലിക്കൻ പാർട്ടി ഓഫ് ഇന്ത്യയുടെ യുവജന വിഭാഗമായ റിപ്പബ്ലിക്കൻ യൂത്ത് ഫെഡറേഷൻ ഓഫ് ഇന്ത്യയുടെ സംസ്ഥാന പ്രസിഡന്റ് ആയി ലനീഷ് കുമാറിനെ നിയമിച്ചു. കൊല്ലം ജില്ലയിലെ കൊട്ടാരക്കര സ്വദേശിയാണ് ലനീഷ് കുമാർ. പാർട്ടി സംസ്ഥാന പ്രസിഡന്റ് സോംദേവാണ് നാമനിർദ്ദേശം ചെയ്തത്.

വിശ്വകർമ സമുദായാംഗമായ ലനീഷ് കുമാർ വിവിധ രാഷ്ട്രീയ - സമുദായിക ഘടകങ്ങളിൽ പ്രവർത്തന പരിചയം തെളിയിച്ച വ്യക്തിയാണ്. വിശ്വകർമ സമുദായത്തിൽ നിന്നും ആദ്യമായാണ് കേരളത്തിൽ നിന്നും ഒരു പ്രമുഖ പാർട്ടിയുടെ ഉന്നത പദവിയിലേക്ക് എത്തിച്ചേരുന്നത്.

സോംദേവിന്റെയും, ജനറൽ സെക്രട്ടറി ആർ രാജീവിന്റെയും നേതൃത്വത്തിൽ റിപ്പബ്ലിക്കൻ പാർട്ടി ഓഫ് ഇന്ത്യ കേരളത്തിൽ ശക്തമായ പ്രവർത്തനം ആരംഭിച്ചു കഴിഞ്ഞു.

1957 ൽ ഡോ.ബി.ആർ.അംബേദ്കർ രൂപീകരിച്ച രാഷ്ട്രീയ പാർട്ടിയാണ് റിപ്പബ്ലിക്കൻ പാർട്ടി ഓഫ് ഇന്ത്യ. 2004 മുതൽ ഭരണകക്ഷിയായ എൻഡിഎ യുടെ ഘടകകക്ഷിയായി പ്രവർത്തിക്കുന്ന റിപ്പബ്ലിക്കൻ പാർട്ടി ഓഫ് ഇന്ത്യയ്ക്ക് കേന്ദ്ര സാമൂഹ്യ ക്ഷേമ ശക്തീകരണ വകുപ്പ് മന്ത്രി റാംദാസ് അതാവലെയാണ് നേതൃത്വം നൽകുന്നത്.