ഇടുക്കി: തങ്കമണി കുട്ടൻകവലയിൽ യുവാവിനെ മരിച്ച നിലയിൽ കണ്ടെത്തി. കൊലപാതകമെന്ന് സംശയം. പൊലീസ് അന്വേഷണം ഊർജ്ജിതം. കിളിയാർകണ്ടം കൊല്ലംപറമ്പിൽ അഭിജിത് (23) ന്റെ മൃതദേഹമാണ് കണ്ടെത്തിയത്. അഭിജിത്തിനെ വ്യാഴാഴ്ച രാത്രി 10 മുതലാണ് കാണാതാകുന്നത്.  കേസുമായി ബന്ധപ്പെട്ട് കോടതിയിൽ പോയി മടങ്ങിയ അഭിജിത്തിനെ പിന്നീട് ബന്ധുക്കളും സുഹൃത്തുക്കളും കണ്ടിട്ടില്ല.

അഭിജിത്തിനെ കാണാതായതോടെ ബന്ധുക്കൾ തങ്കമണി പൊലീസിൽ പരാതി നൽകിയിരുന്നു. തുടർന്ന് ബന്ധുക്കളും സുഹൃത്തുക്കളും പൊലീസും ചേർന്ന് നടത്തിയ അന്വക്ഷണത്തിൽ തങ്കമണി നീലവയൽ അമ്പലത്തിന് സമീപം അഭിത്തിന്റെ ഇരുചക്ര വാഹനം കണ്ടെത്തി.

ഈ മേഖല കേന്ദ്രികരിച്ച് കഴിഞ്ഞ ദിവസം അന്വഷണം നടത്തി എങ്കിലും കണ്ടെത്താൻ കഴിഞ്ഞിരുന്നില്ല. ഇന്ന് രാവിലെ തമ്പുരാൻകുന്ന് ഭാഗത്ത് റോഡ് സൈഡിൽ തൊഴിലുറപ്പ് തൊഴിലാളികളാണ് അഭിജിത്തിന്റെ മൃതദേഹം കണ്ടെത്തി. പിന്നാലെ മരണത്തിൽ ദുരൂഹതയുണ്ടെന്ന ആരോപണവുമായി അഭിജിത്തിന്റെ സുഹൃത്തുക്കൾ രംഗത്തെത്തിയിരുന്നു.

കഴിഞ്ഞ രാത്രിയിൽ ഈ മേഖലയിൽ പരിശോധിച്ചപ്പോൾ കാണാത്ത മൃതദേഹം ഇപ്പോൾ എങ്ങിനെ വന്നു എന്നും ഇവർ ചോദിക്കുന്നു. പൊലീസ് മേൽ നടപടികൾ സ്വീകരിച്ചു വരുന്നു. ഇടുക്കി എസ് പി യുടെ നേതൃത്വത്തിൽ പൊലീസ്സ് സ്ഥലത്തെത്ത തെളിവ് ശേഖരണം നടത്തി. പോസ്റ്റുമോർട്ടത്തിന് ശേഷം മാത്രമേ മരണത്തെക്കുറിച്ച് കൂടുതൽ എന്തെങ്കിലും പറയനാവു എന്ന നിലപാടിലാണ് പൊലീസ്.

 

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.