വാഹന പരിശോധനയ്ക്കിടെ വല്ലാത്ത പരിഭ്രമം; വൈത്തിരിയിൽ എം ഡി എം എയുമായി ഹയർ സെക്കൻഡറി സ്‌കൂൾ പ്രിൻസിപ്പൽ അറസ്റ്റിൽ

വൈത്തിരി : എംഡിഎംഎയുമായി സ്വകാര്യ സ്‌കൂൾ പ്രിൻസിപ്പൽ പിടിയിൽ. പുൽപ്പള്ളി ജയശ്രീ ഹയർസെക്കൻഡറി സ്‌കൂൾ പ്രിൻസിപ്പൽ ജയരാജ് (49) ആണ് അറസ്റ്റിലായത്. ഇയാളുടെ ഷർട്ടിന്റെ പോക്കറ്റിൽ നിന്നും 26 ഗ്രാം എംഡിഎംഎയും കണ്ടെത്തി.

ഇന്നലെ രാത്രി വൈത്തിരി പൊലീസ് വാഹന പരിശോധനക്കിടെയാണ് ഇയാളെ പിടികൂടിയത്. മയക്കുമരുന്ന് കടത്താൻ ഉപയോഗിച്ച വാഹനവും കസ്റ്റഡിയിലെടുത്തു. വാഹന പരിശോധനയ്ക്കിടെ ഇയാൾ പരിഭ്രമിച്ചു. പിന്നാലെ ദേഹ പരിശോധന നടത്തിയപ്പോഴാണ് എംഡിഎംഎ കണ്ടെത്തിയത്.