സുഹൃത്തിനെ നെടുമ്പാശേരി എയർപോർട്ടിൽ വിട്ട് തിരച്ചുവരും വഴി ബൈക്ക് അപകടത്തിൽപ്പെട്ട് ദാരുണാന്ത്യം; മരിച്ചത് നേര്യമംഗലം കാഞ്ഞിരവേലി കട്ടുനിലയം മെൽബിൻ പീറ്റർ

കോതമംഗലം; സുഹൃത്തിനെ നെടുമ്പാശേരി എയർപോർട്ടിൽ വിട്ട് തിരച്ചുവരും വഴി ബൈക്ക് അപകടത്തിൽപ്പെട്ട് ദാരുണാന്ത്യം. നേര്യമംഗലം കാഞ്ഞിരവേലി കട്ടുനിലയം മെൽബിൻ പീറ്റർ (21)ആണ് മരണപ്പെട്ടത്. ഇന്ന് പുലർച്ചെ 1.45 ഓടെ ഊന്നുകല്ലിലായിരുന്നു അപകടം.

മെൽബിൻ സഞ്ചരിച്ചിരുന്ന ബൈക്ക് നിയന്ത്രണം വിട്ട് പാതയോരത്ത് പാർക്കുചെയ്തിരുന്ന ബസിന്റെ പിന്നിൽ ഇടിക്കുകയായിരുന്നു. ഇതു വഴിയെത്തിയവർ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സുഹൃത്ത് അലക്സിനെ കൊണ്ടുവിടാനായി വീട്ടുകാർക്കൊപ്പം ബൈക്കിൽ സുഹൃത്തിനൊപ്പം മെൽബിനും നെടുംമ്പാശേരിക്ക് പോയിരുന്നു.

ബസ് ജീവനക്കാർ എത്തിയപ്പോൾ സമീപത്ത് ഹെൽമറ്റും ബൈക്കും കണ്ടെത്തുകയായിരുന്നു.തുടർന്ന് ഇവർ ഊന്നുകൽ പൊലീസിൽ വിവരം അറിയിച്ചു. തുടർന്ന് പൊലീസ് നടത്തിയ അന്വേഷണത്തിലാണ് അപകടത്തിൽ മെൽബിൻ മരണപ്പെട്ടതായി സ്ഥരീകരിച്ചത്.പ്ലംബിങ് തൊഴിലാളിയായിരുന്നു.