ഓണം സ്‌പെഷ്യൽ ഡ്രൈവ്; കോതമംഗലത്ത് ഒരുഗ്രാം എം ഡി എം എയുമായി യുവാവ് പിടിയിൽ

 കോതമംഗലം: ഓണത്തോടനുബന്ധിച്ച് എക്‌സൈസ് നടത്തിയ റെയ്ഡിൽ ഒരു ഗ്രാം എംഡി എം എ യുമായി യുവാവ് പിടിയിൽ .കോതമംഗലം ഇരുമലപ്പടി സ്വദേശിയും ഇപ്പോൾ കുന്നത്തുനാട് അശമന്നൂർ ഏക്കുന്നത്ത് താമസിക്കുന്ന പണിക്കരുകുടി ആഷിഖ് (22) നെയാ ണ് എക്‌സൈസ് സർക്കിൾ ഇൻസ്‌പെക്ടർ എ ജോസ് പ്രതാപിന്റെ നേതൃത്വത്തിൽ ഉദ്യോഗസ്ഥ സംഘം നെല്ലിക്കുഴിയിൽ നടത്തിയ റെയ്ഡിൽ പിടികൂടിയത്.

ആഷിഖ് പെരുമ്പാവൂരിൽ നിന്നും എംഡി എം എ വാങ്ങി ചില്ലറ വിൽപന നടത്തി വരികയായിരുന്നെന്ന് അധികൃതർ അറിയിച്ചു. അര ഗ്രാമിന് മുകളിൽ എംഡി എം എ കൈവശം വച്ചാൽ 10 വർഷം വരെ ശിക്ഷ ലഭിക്കാവുന്ന കുറ്റമാണ്. കൂട്ടു കച്ചവടക്കാരെ കുറിച്ച് സൂചന ലഭിച്ചിട്ടുണ്ടെന്നും വരും ദിവസങ്ങളിൽ കൂടുതൽ അറസ്റ്റ് ഉണ്ടാകുമെന്നും എക് സൈസ് സി ഐ അറിയിച്ചു. റെയ്ഡിന് പി ഒ നിയാസ്, സിദ്ദിഖ്, സി ഇ ഒ മാരായ ഉമ്മർ, നന്ദു, ഡ്രൈവർ ബിജു പോൾ എന്നിവർ നേതൃത്വം നൽകി