തലശേരി: കണ്ണൂർ സർവകലാശാലയുടെ അഫിലിയേറ്റഡ് കോളേജുകളിലും സർവ്വകലാശാല കാമ്പസുകളിലും 2022-23 വർഷത്തേക്കുള്ള വിദ്യാർത്ഥി യൂണിയൻ തെരഞ്ഞെടുപ്പ്, 27 ന് കോവിഡ് 19 മാനദണ്ഡങ്ങൾ പാലിച്ചുകൊണ്ട് നടക്കും. തെരഞ്ഞെടുപ്പ് വിജ്ഞാപനം നാളെ അതത് കോളേജ് ക്യാംപസുകളിൽ പ്രസിദ്ധീകരിക്കും.

തെരഞ്ഞെടുപ്പ് ഷെഡ്യൂൾ സർവ്വകലാശാല വെബ്സൈറ്റിൽ പ്രസിദ്ധീകരിക്കും. കോളേജ് പ്രിൻസിപ്പൽമാരും, ക്യാമ്പസ് ഡയറക്ടർമാരും വെബ്സൈറ്റിൽ പ്രസിദ്ധീകരിച്ച ഷെഡ്യൂൾ പ്രകാരം തെരഞ്ഞെടുപ്പ് നടത്തുന്നതിനുള്ള നടപടികൾ സ്വീകരിക്കേണ്ടതാണ്. പ്രാഥമിക വോട്ടർ പട്ടിക18ന് 12.30 നും അന്തിമ വോട്ടർ പട്ടിക 19 ന് വൈകുന്നേരംനാലുമണിക്കും പ്രസിദ്ധീകരിക്കും. 20 ന് ഉച്ചയ്ക്ക് 1 മണി വരെ നാമനിർദ്ദേശ പത്രിക സമർപ്പിക്കാം. അന്നേ ദിവസം വൈകുന്നേരം 3 മണിക്ക് നാമനിർദ്ദേശ പത്രികകൾ സൂക്ഷ്മ പരിശോധന നടത്തും.

നാമനിർദ്ദേശ പത്രിക പിൻവലിക്കാനുള്ള അവസാന തീയതി 21 ന് വൈകുന്നേരം മണിയായിരിക്കും. 22ന് ഉച്ചക്ക് 4 മണിക്ക് അന്തിമ സ്ഥാനാർത്ഥി പട്ടിക പ്രസിദ്ധീകരിക്കും. 27ന് രാവിലെ 9.30 മുതൽ ഉച്ചയ്ക്ക് 12.30 തെരഞ്ഞെടുപ്പും, ഉച്ചയ്ക്ക് രണ്ടു മണിക്ക് വോട്ടെണ്ണലും, തുടർന്ന് ഫലപ്രഖ്യാപനവും നടത്തും

കണ്ണൂർ സർവകലാശാലയൂണിയൻ തെരഞ്ഞെടുപ്പ്

മറുനാടന്‍ മലയാളി

    മറുനാടന്‍ മലയാളി ബ്യൂറോ