കാലടി : സ്‌കൂട്ടർ യാത്രക്കാരിയെ കാറിടിപ്പിച്ച് കൊലപ്പെടുത്താൻ ശ്രമിച്ച കേസിൽ യുവാവ് അറസ്റ്റിൽ. അയ്യമ്പുഴ ചുള്ളി മുളവരിക്കൽ വീട്ടിൽ ഷർബോ ആന്റു (24) വിനെയാണ് കാലടി പൊലീസ് അറസ്റ്റ് ചെയ്തത്. കഴിഞ്ഞ ദിവസം വൈകീട്ട് മഞ്ഞപ്ര ഭാഗത്ത് വച്ച് സ്‌കൂട്ടറിൽ യാത്ര ചെയ്യുകയായിരുന്ന യുവതിയുടെ ശരീരത്തിലേക്ക് ചെളി തെറിപ്പിച്ചത് യുവതി ചോദ്യം ചെയ്തതിലുള്ള വൈരാഗ്യമാണ് കാരണം.

പ്രതി ഓടിച്ചിരുന്ന കാർ സ്‌കൂട്ടറിന് പിന്നിൽ ഇടിപ്പിക്കുകയായിരുന്നു. റോഡിൽ തെറിച്ചുവീണ യുവതിയുടെ തലയ്ക്കും നട്ടെല്ലിനും പരിക്ക് പറ്റി. അന്വേഷണ സംഘത്തിൽ എസ്‌ഐമാരായ എസ്.സുകേശൻ,എസ്. ശിവപ്രസാദ്, എസ്.സി.പി. ഒമാരായ ടി.എൻ മനോജ് കുമാർ,രജിത്ത് രാജൻ, എംപി ജയന്തി തുടങ്ങിയവരാണ് ഉണ്ടായിരുന്നത്.