കോതമംഗലം താലൂക്ക് ആശുപത്രി കെട്ടിടത്തിന് മുകളിൽ കയറി ആത്മഹത്യാ ഭീഷണി മുഴക്കി യുവാവ്; അനുനയിപ്പിച്ച് താഴെയിറക്കിയത് മണിക്കൂറുകളുടെ പരിശ്രമത്തിന് ശേഷം

കോതമംഗലം: കോതമംഗലം താലൂക്ക് ആശുപത്രി കെട്ടിടത്തിന് മുകളിൽക്കയറി ആത്മഹത്യാഭീഷണി മുഴക്കിയ യുവാവിനെ അനുനയിപ്പിച്ച് താഴെയിറക്കി. മാമലക്കണ്ടം എളംബ്ലാശേരി കുടിയിലെ അരുണാണ് വൈകിട്ട് താലൂക്ക് ആശുപത്രി മന്ദിരത്തിന്റെ മുകളിൽക്കയറി ആത്മഹത്യാ ഭീഷണി മുഴക്കിയത്.

താഴെയിറങ്ങാൻ കൂട്ടാക്കാതിരുന്ന യുവാവിനെ പൊലീസും, ഫയർ ഫോഴ്‌സും നാട്ടുകാരും ചേർന്ന് അനുനയിപ്പിച്ച് താഴെയിറക്കുകയായിരുന്നു. മുമ്പ് നേര്യമംഗലം പാലത്തിലും ആലുവ മാർത്താണ്ഡവർമ്മ പാലത്തിലും കയറി അരുൺ ആത്മഹത്യ ഭീഷണി ഉയർത്തിയിട്ടുണ്ട്.

കോതമംഗലം ഫയർ സ്റ്റേഷനിൽ നിന്നും അസ്സി. സ്റ്റേഷൻ ഓഫിസർ സജി മാത്യു ഗ്രേഡ് എ എസ് റ്റി. ഒ മാരായ കെ.എസ്.എൽദോസ് കെ.എം മുഹമ്മദ് ഷാഫി,എം. മുരുകൻ ,എസ് ആർ മനു,വിഷ്ണു മോഹൻ ,കെ.റ്റി ഷാജു കെ.എ. അൻസൽ ,പി.ബിനു. എന്നിവർ രക്ഷാദൗത്യത്തിൽ പങ്കാളികളായി.