മലപ്പുറം: വിദേശത്ത് കുടുംബത്തോടൊപ്പം താമസിക്കുന്ന സമയത്ത് പരിചയപ്പെട്ട യുവതിയെ വിവാഹ വാഗ്ദാനം നൽകി പീഡിപ്പിച്ച കേസിൽ യുവാവ് കൊണ്ടോട്ടി പൊലീസിന്റെ പിടിയിലായി. മലപ്പുറം മാറഞ്ചേരി മലയംകുളത്തിൽ റിയാസി(42)നെയാണ് കൊണ്ടോട്ടി സബ് ഇൻസ്‌പെക്ടർ കെ. നൗഫൽ അറസ്റ്റ് ചെയ്തത്.

കൊണ്ടോട്ടി നെടിയിരുപ്പ് സ്വദേശിയായ യുവതിയുടെ പരാതിയിലാണ് അറസ്റ്റ്. വിദേശത്ത് കുടുംബത്തോടൊപ്പം താമസിക്കുന്ന സമയത്ത് പരാതിക്കാരിയുമായി അടുപ്പം സ്ഥാപിച്ച പ്രതി 2008 മുതൽ ഇവരെ ലൈംഗികമായി പീഡിപ്പിച്ചിരുന്നു. തുടർന്ന് 2019 ൽ നാട്ടിൽ തിരിച്ചെത്തിയ യുവതിയെ വീട്ടിലെത്തി വിവാഹ വാഗ്ദാനം നൽകി ശാരീരിക ബന്ധം പുലർത്തുകയും ഫോണിൽ വീഡിയോയും ഫോട്ടോയും പകർത്തുകയും ചെയ്തു.

പിന്നീട് വിവാഹ വാഗ്ദാനത്തിൽ നിന്നു പിന്മാറിയ പ്രതിയോട് അകലാൻ ശ്രമിച്ച പരാതിക്കാരിയെ ഫോണിൽ റെക്കോഡ് ചെയ്ത വീഡിയോയും ഫോട്ടോയും കാണിച്ച് വീട്ടിൽ വച്ചും കോഴിക്കോട് ഫ്‌ളാറ്റിൽ എത്തിച്ചും പലപ്പോഴായി പീഡിപ്പിക്കുകയായിരുന്നു. പ്രതിയെ കോടതിയിൽ ഹാജരാക്കി.

 

 

ജംഷാദ് മലപ്പുറം

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍