മോഷണം പോയ ഓട്ടോ വാഹന പരിശോധനയ്ക്കിടെ പിടികൂടി; മൂന്നുപേരെ അറസ്റ്റ് ചെയ്ത് കുളമാവ് പൊലീസ്

മൂലമറ്റം: കുളമാവ് പൊലീസ് കുരുതിക്കളത്ത് വാഹന പരിശോധന നടത്തുന്നതിനിടെ മോഷ്ടിക്കപ്പെട്ട ഓട്ടോറിക്ഷ പിടികൂടി.

പത്തനംതിട്ട കീഴ് വായ്പൂരിൽ നിന്നും മോഷണം പോയ ഓട്ടോറിക്ഷ ആയിരുന്നു ഇത്. ഉടുമ്പന്നൂർ കളപ്പുരയ്ക്കൽ ഷാജി, ഒളമറ്റം കണ്ടത്തിൻകരയിൽ ഷിയാദ്, പടിഞ്ഞാറേ കോടിക്കുളം പതിയപ്ലാക്കൽ അനിൽ കുമാർ എന്നിവരെയാണ് കുളമാവ് പൊലീസ് അറസ്റ്റ് ചെയ്തത്.

കഴിഞ്ഞ ജനുവരിയിലാണ് ഓട്ടോറിക്ഷ മോഷണം പോയത്. ഷാജിയുടെ പേരിൽ നിരവധി മോഷണ കേസുകൾ നിലവിൽ ഉണ്ട്. പ്രതികളെ കോടതിയിൽ ഹാജരാക്കും.

പ്രിൻസിപ്പൽ എസ്‌ഐ നസീർ, എസ്‌ഐമാരായ സാംകുട്ടി, ജോൺസൺ, സിപിഒ സുധീഷ് എന്നിവർ ചേർന്നാണ് പ്രതികളെ പിടികൂടിയത്.