ഇടുക്കി: പൊലീസുകാരന്റെ പറമ്പിലെ പനയിൽ നിന്നും കള്ള് മോഷ്ടിച്ച സംഭവത്തിൽ രണ്ട് പേർ അറസ്റ്റിൽ.വെള്ളത്തൂവൽ ശല്യാംപാറ മുതുകാട്ടുശേരി അഭിജിത്ത് (30 ), മന്നാംകണ്ടം ഇരുനൂറ് ഏക്കർ കാക്ക തോട്ടത്തിൽ ജോമോൻ (36 ) എന്നിവരെയാണ് സംഭവവുമായി ബന്ധപ്പെട്ട് അടിമാലി പൊലീസ് അറസ്റ്റ് ചെയ്തതിട്ടുള്ളത്.

ഇടുക്കി സൈബർ സെല്ലിലെ എസ് സി പി ഒ രാജന്റെ കല്ലാറു കൂട്ടിയിലുള്ള പുരയിടത്തിലെ പനയിൽ നിന്നാണ് ഇവർ മാട്ടം ഇറക്കിയത്.രാത്രി 11 മണിയോടെ രാജൻ ജോലി കഴിഞ്ഞ് മടങ്ങിവരവെ പുരയിടത്തിൽ ആളനക്കം ശ്രദ്ധയിൽപ്പെടുകയായിരുന്നു.പനയുടെ അടുത്തെത്തിയപ്പോൾ ഇവർ ഇരുവരും ഓടി രക്ഷപെട്ടു.

പരിസരം അറിയാവുന്നതിനാൽ രാജൻ നാട്ടുകാരെ കൂട്ടി തിരച്ചിൽ നടത്തി ഇരുവരെയും പിടികൂടുകയായിരുന്നു.വിവരം അറിയിച്ചത് പ്രകാരം സ്ഥലത്തെത്തിയ അടിമാലി പൊലീസ് ഇരുവരെയും കസ്റ്റഡിൽ എടുത്തു.കോടതിയിൽ ഹാജരാക്കിയ ഇരുവരെയും റിമാന്റ് ചെയ്തു.

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.