അമിത വേഗതയിലെത്തിയ കാർ ബൈക്കിനെ ഇടിച്ചു; കോട്ടയം നട്ടാശേരി സ്വദേശിയായ യുവാവിന് ദാരുണാന്ത്യം

കോട്ടയം: അമിത വേഗതയിലെത്തിയ കാർ ബൈക്കുമായി കൂട്ടിയിടിച്ച് ബൈക്ക് യാത്രികന് ദാരുണാന്ത്യം. കോട്ടയം നട്ടാശേരി അനന്ദു വേണു ആണ് മരിച്ചത്. ദേശീയപാതയിൽ കോട്ടയം കാഞ്ഞിരപ്പള്ളി എ.കെ.സി.ജെ.എം. സ്‌കൂളിനു സമീപം വൈകീട്ട് നാലുമണിയോടെയായിരുന്നു അപകടം.

മറ്റൊരു വാഹനത്തെ മറികടക്കുന്നതിനായി അമിത വേഗത്തിൽ എതിർദിശയിലൂടെ കടന്നുവന്ന കാർ ബൈക്ക് ഇടിച്ചു തെറിപ്പിക്കുകയായിരുന്നു. അനന്ദുവിനെ കോട്ടയം മെഡിക്കൽ കോളജ് ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.