തൃശൂർ പൂരം; എറണാകുളം ശിവകുമാർ തെക്കേ ഗോപുരനട തുറക്കും

തൃശൂർ: തൃശൂർ പൂരത്തിന്റെ ഭാഗമായുള്ള പൂര വിളംബരത്തിന് തിടമ്പേറ്റി എറണാകുളം ശിവകുമാർ ഇത്തവണയും തെക്കേ ഗോപുരനട തുറക്കും. കൊച്ചി ദേവസ്വം ബോർഡ്, ഘടകപൂരങ്ങളുടെ യോഗത്തിലാണ് തീരുമാനം.

നെയ്തലക്കാവ് ഭഗവതിയുടെ തിടമ്പേറ്റിയാണ് പൂര വിളംബരത്തിന് ശിവകുമാർ തെക്കേഗോപുരവാതിൽ തുറക്കുക. ഈ ചടങ്ങോടെയാണ് തൃശൂർ പൂര ചടങ്ങുകൾക്ക് തുടക്കമാകുന്നത്.

ഘടകപൂരങ്ങളുടെ സാമ്പത്തിക സഹായം വർധിപ്പിക്കാനും യോഗത്തിൽ തീരുമാനമായി. കൊച്ചിൻ ദേവസ്വം ബോർഡിന്റെ ഏറ്റവും തലയെടുപ്പുള്ള ആനയാണ് എറണാകുളം ശിവകുമാർ.