29കാരിയായ വഴിയാത്രികയെ എതിരെ പോകുകയായിരുന്ന യുവാവ് സ്വകാര്യ ഭാഗം കാണിച്ച് അപമാനിച്ചു; യുവതി ബഹളം വെച്ചതോടെ പ്രദേശത്തെ ചുമട്ടുതൊഴിലാളികൾ യുവാവിനെ തടഞ്ഞു വെച്ചു; യുവതിയെ പൊതുവഴിയിൽ അപമാനിച്ച 35കാരൻ അറസ്റ്റിൽ

മലപ്പുറം: കാൽനടയായി പോകുകയായിരുന്ന 29കാരിയായ വഴിയാത്രികയെ സ്വകാര്യ ഭാഗം കാണിച്ച് അപമാനിച്ചുവെന്ന പരാതിയിൽ യുവാവിനെ മഞ്ചേരി പൊലീസ് അറസ്റ്റ് ചെയ്തു. മഞ്ചേരി പഴയ ബസ് സ്റ്റാന്റ്പരിസരത്തെ പലചരക്ക് കട ജീവനക്കാരനായ പോരൂർ ചാത്തങ്ങോട്ടുപുറം വടക്കെതൊടിക ജംഷീർ (35)നെയാണ് അറസ്റ്റ് ചെയ്തത്.

ഇന്നലെ രാവിലെ പത്തുമണിയോടെ ജൂബിലിക്കുളം റോഡിലാണ് സംഭവം. കുത്തുകൽ ജങ്ഷനിലെ സ്ഥാപനത്തിലെ ജീവനക്കാരിയാണ് പരാതിക്കാരി. വാഹനം റിപ്പയർ ചെയ്യുന്നതിനായി വർക് ഷോപ്പിലെക്ക് പോകുകയായിരുന്ന യുവാവ് എതിരെ വന്ന യുവതിക്ക് തന്റെ ലൈംഗികാവയവം കാണിച്ചു നൽകി അപമാനിച്ചുവെന്നാണ് കേസ്.

യുവതി ബഹളം വെച്ചതിനെ തുടർന്ന് പ്രദേശത്തെ ചുമട്ടുതൊഴിലാളികൾ യുവാവിനെ തടഞ്ഞു വെച്ച് പൊലീസിലറിയിക്കുകയായിരുന്നു. യുവതിയുടെ പരാതിയിൽ മഞ്ചേരി എസ് ഐ കെ ബഷീർ കേസ് രജിസ്റ്റർ ചെയ്തു.