നിപ രോഗബാധയിൽ ജാഗ്രത തുടരുന്നു: കണ്ടെയിന്മെന്റ് മേഖലയിലെ കോളേജുകളിൽ പരീക്ഷ മാറ്റിവെച്ചതായി കാലിക്കറ്റ് സർവ്വകലാശാല

കോഴിക്കോട്: നിപ രോഗബാധ സ്ഥിരീകരിച്ച പശ്ചാത്തലത്തിൽ കാലിക്കറ്റ് സർവകലാശാലക്ക് കീഴിൽ കണ്ടെയിന്മെന്റ് മേഖലയിൽ ഉൾപ്പെട്ട കോളേജുകളിലെ സർവകലാശാലാ പരീക്ഷകൾ മാറ്റിവെച്ചു. കണ്ടെയിന്മെന്റ് മേഖലയിലെ താമസക്കാരായ വിദ്യാർത്ഥികൾ ആരോഗ്യ വകുപ്പ് നൽകുന്ന രേഖകൾ ഹാജരാക്കുന്ന പക്ഷം പ്രത്യേക പരീക്ഷ നടത്തുമെന്ന് പരീക്ഷാ കൺട്രോളർ അറിയിച്ചു.