മലപ്പുറം: വഴിത്തർക്കം മൂത്തതോടെ മലപ്പുറം വാഴക്കാട് യുവാവിനെ വാഹനം ഇടിപ്പിച്ച് കൊലപ്പെടുത്താൻ ശ്രമം. തെറിച്ചുവീണതിന് പിന്നാലെ ജാക്കി ലിവർ ഉപയോഗിച്ചും ആക്രമണം. യുവാവ് രക്ഷപ്പെട്ടത് തലനാരിഴക്ക്. ഇന്ന് പുലർച്ചെ മൂന്നരയോടെയാണ് ആക്രമണം നടന്നത്.

വാഴക്കാട് കാവുങ്ങൽ പുറായി മുഹമ്മദ് ജവാദിനെ പരിക്കുകളോടെ ആശുപത്രിയിൽ പ്രവേശിപ്പിച്ചു. ഇന്ന് പുലർച്ചെ മൂന്നരയോടെയാണ് ഇറച്ചി പണിക്കാരനായ മുഹമ്മദ് ജവാദ് തന്റെ കടയിലേക്ക് പോയിരുന്നത്. കടക്കരികെ എത്തിയമുഹമ്മദ് ജവാദ് സഞ്ചരിച്ച ബൈക്ക് പിറകിൽ നിന്ന് എത്തിയ നിസ്സാൻ ലോറി ഇടിച്ചു തെറിപ്പിക്കുകയായിരുന്നു.

തെറിച്ചുവീണ ജവാദിനെ നേരെ അയൽവാസിയായ മുനീർ ജാക്കി ലിവർ ഉപയോഗിച്ച് ആക്രമണം നടത്തി എന്നാണ് പരാതി.ാണ് പറയുന്നത്.തൊട്ടടുത്ത മറ്റൊരു കടയിലെ ഇറച്ചി പണിക്കാരനായ ആൾ ഓടിയെത്തിയാണ് ഇവരെ പിടിച്ചു മാറ്റിയത് ഭാഗ്യം മെുനീറിനെ തള്ളി മാറ്റി ഓടി രക്ഷപ്പെടാൻ ശ്രമിക്കുന്നതിനിടെ തുണി തടഞ്ഞ് നിലത്ത് വീണ ജവാദിനെ റോഡിലിട്ട് അതിക്രൂരമായി മർദ്ദിച്ചു എന്നകാണ്ടാണ് ജവാദ് രക്ഷപ്പെട്ടത് എന്നാണ് ഇവർ പറയുന്നത്.

നേരത്തെ ഇവർ തമ്മിൽ വഴിയെ ചൊല്ലി തർക്കം നടന്നിട്ടുണ്ട് .വാഴക്കാട് പൊലീസ് സ്ഥലത്തെത്തി മൊഴിയെടുത്തു. ഒരു വർഷം മുമ്പ് വാഴക്കാട് ബൈക്കിൽ ഇന്നോവ ഇടിപ്പിച്ച് ഒരാള കൊലപ്പെടുത്തിയിരുന്നു.

ജംഷാദ് മലപ്പുറം

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍