പെരുമ്പാവൂരിൽ ടോറസ് ലോറിക്ക് പിന്നിൽ ബൈക്ക് ഇടിച്ചു; ബൈക്ക് യാത്രക്കാരനായ യുവാവ് മരിച്ചു

കൊച്ചി: ടോറസ് ലോറിക്ക് പിന്നിൽ ബൈക്ക് ഇടിച്ച് ബൈക്ക് യാത്രക്കാരനായ യുവാവ് തൽക്ഷണം മരിച്ചു. പെരുമ്പാവൂർ കുവപ്പടി തേക്കാനത്ത് വീട്ടിൽ സേവ്യറിന്റെ മകൻ അനക്സ് ടി സേവ്യറാണ് (27) മരിച്ചത്. എം സി റോഡിൽ ഔഷധി ജംഗ്ഷന് സമീപം ഇന്ന് പുലർച്ചെ അഞ്ചോടെയാണ് അപകടം. വെങ്ങോലയിൽ കാറ്ററിങ് ജോലിക്കായി വീട്ടിൽ നിന്നും പോകുന്നതിനിടെയാണ് അപകടം ഉണ്ടായത്. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.