കെ എസ് ആർ ടി സി ജീവനക്കാരുടെ ആദ്യഗഡു ശമ്പളം വിതരണം ചെയ്തു; അടുത്ത ഗഡു ശമ്പളം സർക്കാർ സഹായം കിട്ടുന്ന മുറയ്ക്ക്

തിരുവനന്തപുരം : കെ എസ് ആർ ടി സിയിലെ ഒക്ടോബർ മാസത്തെ ആദ്യ ഗഡു ശമ്പളം വിതരണം ചെയ്തു. സർക്കാർ സഹായം ആയി ലഭിച്ച 30 കോടി രൂപയും, കെ എസ് ആർ ടി സി ഓവർ ഡ്രാഫ്റ്റ് വഴിയുള്ള 8 കോടി രൂപയും ചേർത്താണ് ആദ്യ ഗഡു വിതരണം ചെയ്തത്.
കഴിഞ്ഞ മാസത്തെ പോലെ ഈ മാസവും പത്താം തീയതിക്ക് മുൻപ് തന്നെ ആദ്യ ഗഡു ശമ്പളം വിതരണം ചെയ്യാൻ സാധിച്ചു.

അടുത്ത ഗഡു ശമ്പളം സർക്കാരിൽ നിന്നും ബാക്കി തുക കിട്ടുന്ന മുറയ്ക്ക് വിതരണം ചെയ്യും.