പത്തനാപുരത്ത് 14കാരനുനേരേ ലൈംഗികാതിക്രമം; അഞ്ചംഗസംഘം ഉപദ്രവിച്ചെന്ന് പരാതി; വസ്ത്രങ്ങൾ അഴിച്ചുമാറ്റിയെന്നും ജനനേന്ദ്രിയത്തിൽ കത്തിവെച്ചെന്നും പരാതിയിൽ; പോക്സോ നിയമപ്രകാരം കേസെടുത്തു

കൊല്ലം: പത്തനാപുരത്ത് പ്രായപൂർത്തിയാകാത്ത ആൺകുട്ടിക്ക് നേരേ മദ്യലഹരിയിൽ അഞ്ചംഗ സംഘം ലൈംഗികാതിക്രമം നടത്തിയെന്ന് പരാതി. അമ്പലത്തിൽപോയ 14-കാരനെ അഞ്ചുപേർ ചേർന്ന് ആക്രമിച്ചെന്നാണ് പരാതിയിലുള്ളത്. സംഭവത്തിൽ മാങ്കോട് സ്വദേശികളായ അഞ്ചുപേർക്കെതിരേ പത്തനാപുരം പൊലീസ് പോക്സോ നിയമപ്രകാരം കേസെടുത്തു.

അമ്പലത്തിലേക്ക് പോകുന്നതിനിടെ അഞ്ചംഗസംഘം ഉപദ്രവിച്ചെന്നും വസ്ത്രങ്ങൾ അഴിച്ചുമാറ്റിയെന്നും ജനനേന്ദ്രിയത്തിൽ കത്തിവെച്ചതായും പരാതിയിലുണ്ട്. കഴിഞ്ഞദിവസം 14-കാരന് നേരേ കൂട്ട ലൈംഗികാതിക്രമമുണ്ടായെന്നാണ് പരാതിയിൽ പറയുന്നത്.സംഭവസമയം പ്രതികൾ മദ്യലഹരിയിലായിരുന്നുവെന്നും പരാതിയിൽ പറയുന്നു.

മാങ്കോട് സ്വദേശികളായ അജിത്, അഖിൽ, അനീഷ്, അജിത്, രാജേഷ് എന്നിവരാണ് ആൺകുട്ടിയെ ആക്രമിച്ചതെന്നാണ് പരാതി. സംഭവത്തിൽ ഇവർക്കെതിരേ പോക്സോ വകുപ്പ് പ്രകാരം കേസെടുത്ത് അന്വേഷണം ആരംഭിച്ചിട്ടുണ്ട്.