കാഞ്ഞിരപ്പള്ളിയിൽ സ്വകാര്യ ബസുമായി കൂട്ടിയിടിച്ചു; ബൈക്ക് യാത്രികരായ രണ്ടുപേർ മരിച്ചു

കോട്ടയം: കാഞ്ഞിരപ്പള്ളിയിൽ സ്വകാര്യ ബസുമായി കൂട്ടിയിടിച്ച് ബൈക്ക് യാത്രികരായ രണ്ടുപേർ മരിച്ചു. വ്യാഴാഴ്ച വൈകിട്ട് 3.30-ന് പേട്ട സ്‌കൂളിന് സമീപമായിരുന്നു അപകടം. ഇടുക്കി വെൺമണി സ്വദേശി ഇടക്കുന്നം മുക്കാലി ചക്കാലപറമ്പിൽ നിജോ തോമസ് (33), ഇരുപത്തിയാറാംമൈൽ പുൽപ്പാറ ബിനു പി.പി. (44) എന്നിവരാണ് മരിച്ചത്.

കട്ടപ്പനയ്ക്ക് പോകുകയായിരുന്ന സ്വകാര്യ ബസ് എതിരെവന്ന ബൈക്കുമായി കൂട്ടിയിടിക്കുകയായിരുന്നു. അപകടത്തിൽപ്പെട്ട ബിനു സംഭവസ്ഥലത്തുവെച്ചുതന്നെ മരിച്ചു. നിജോ ഇരുപത്തിയാറിലെ സ്വകാര്യ ആശുപത്രിയിൽവച്ചാണ് മരണമടഞ്ഞത്.