കൂത്തുപറമ്പിൽ കടന്നൽക്കുത്തേറ്റ് ചികിത്സയിലായിരുന്ന വീട്ടമ്മ മരണമടഞ്ഞു

കണ്ണൂർ: കൂത്തുപറമ്പ് നഗരസഭാ പരിധിയിലെ തൊക്കിലങ്ങാടിയിൽ കടന്നൽക്കുത്തേറ്റ് ചികിത്സയിലായിരുന്ന സ്ത്രീ മരിച്ചു. തൊക്കിലങ്ങാടി പാലായി പുതുക്കുടി ഹൗസിൽ സി.എം. മാലതിയാണ് (55) മരിച്ചത്. ബുധനാഴ്ച വീട്ടുപറമ്പിൽനിന്നാണ് മാലതിക്ക് കടന്നലിന്റെ കുത്തേൽക്കുന്നത്.

കോഴിക്കോട് മെഡിക്കൽ കോളേജിൽ ചികിത്സയിലിരിക്കെ വെള്ളിയാഴ്ച രാത്രിയാണ് മരിച്ചത്. ഭർത്താവ്: പുതുക്കുടി വത്സൻ. മക്കൾ: വരുൺ, ജ്യോതിൻ മരുമക്കൾ : അതുല്യ (പാലായി), ശ്രേയ (പാനുണ്ട). സഹോദരങ്ങൾ : കുമാരൻ, ചന്ദ്രിക, പുഷ്പ, ബാബു. സംസ്‌കാരം വലിയവെളിച്ചം ശാന്തിവനം ശ്മശാനത്തിൽ നടത്തി.