ജനശതാബ്ദി എക്സപ്രസുകൾക്ക് അധിക കോച്ചുകൾ അനുവദിച്ച് റെയിൽവെ

തിരുവനന്തപുരം: ഉത്സവകാല തിരക്ക് കണക്കിലെടുത്ത് ജനശതാബ്ദി എക്സപ്രസുകൾക്ക് അധിക കോച്ചുകൾ അനുവദിച്ച് റെയിൽവെ. തിരുവനന്തപുരം- കോഴിക്കോട് ജനശതാബ്ദി എക്സ്പ്രസ് (12076), കോഴിക്കോട്- തിരുവനന്തപുരം ജനശതാബ്ദി എക്സ്പ്രസ്(12075)കൾക്ക് ഡിസംബർ 22, 23, 24, 25, തീയതികളിലാണ് അധിക കോച്ച് അനുവദിച്ചത്.

തിരുവനന്തപുരം-കണ്ണൂർ ജനശതാബ്ദി എക്സ്പ്രസിന്(12082) ഡിസംബർ 20, 21, 22, 23, 24, 25, തീയതികളിലും കണ്ണൂർ- തിരുവനന്തപുരം ജനശതാബ്ദി എക്സ്പ്രസിന്(12081) 21, 22, 23, 24, 25, 26 തീയതികളിലുമാണ് അധിക കോച്ച് അനുവദിച്ചത്. എല്ലാ ട്രെയിനുകളിലും ഓരോ ചെയർകാർ കോച്ച് വീതമാണ് അധികമായി അനുവദിച്ചിരിക്കുന്നത്.

അതിനിടെ തിരുനെൽവേലി ജംഗ്ഷൻ റെയിൽവെ സ്റ്റേഷനിലെ വെള്ളക്കെട്ടിനെ തുടർന്ന് ജാംനഗർ-തിരുനെൽവേലി വീക്ക്ലി എക്സ്പ്രസ് റദ്ദാക്കിയതായും റെയിൽവെ അറിയിച്ചു.